標題:
如何可以將搖搖在空中轉得更耐？１５點！
發問:
如何可以將搖搖在空中轉得更耐？ 更新: 答啦！我玩左好耐都唔明點可以將搖搖在空中轉得更耐． 更新 2: 點樣可將搖搖停留轉?請詳細教教我一d技巧~ 超速水龍好嗎??? 我是玩這個的(超速水龍)，我玩具反斗城買的 超速水龍$１００,ok嗎??? 專業級的 ~~~~~~~~~~~~~~超速搖搖!!! 更新 3: 要有影片教我一d技巧的~~~!!! 唔該^^ 更新 4: （超速水龍）
此文章來自奇摩知識+如有不便請留言告知
最佳解答:
要轉得耐 有50%以上係要靠自己既練番黎 簡單d講 你玩10招到20招到30招 玩勁力旋風力道係完全唔同晒 唔係呃你 依個亦都係A君既搖搖轉到5分鐘 佢比佢個搖搖你又轉唔到咁耐既原因 另外就係技考既問題 如果你扔個搖搖出去係又快又勁 條線又響正搖搖中間唔磨到兩邊 個時間已經可以好唔同 做屈繩要唔好令個搖搖咁快停 都係同一個道理 如果你扔出去係歪既咁好快就會磨停 你可以向自己稍歪既方向 移過少少隻手再扔 慢慢調節自己扔出去既方向一定要直 其實除左扔出去既技巧可以令搖搖轉耐D 仲有其他技術因素 因為搖搖最後空轉減弱個陣 就會受到搖搖繩本身既扭力控制 令個搖搖側埋一邊 所以玩空轉我地除左會好似超速搖搖咁 拎起個搖搖黎睇之外 仲會透過調繩黎防止搖搖繩掂到搖搖兩邊 有片睇 http://www.yoforce.net/knowledge/Tricks/aj.htm 左右擰條繩可以控制搖搖唔會側埋一邊 最後我諗係只係佔小數因素 就係個搖搖本身既問題 搖搖本身結構都會影響空轉 比如極級羅素同港版lv3 fireball或者raider 佢地本身搖搖兩邊係空心既 但係條邊就好厚 所以重心會集中響邊度 空轉就會較強 相對黎講水龍本身既重心係冇集中響條邊度 所以會有至尊水龍出現 加左鐵圈響搖搖兩邊空轉就會理論上更強 同樣道理有鐵圈既塑膠搖搖 空轉係最具潛質 一般黎講膠搖搖會響製作上唔夠精密 所以會比全金屬搖搖比較易有重量分佈唔夠好 而出現令搖搖身震既情況 依個都係其中一個會令搖搖轉得唔係幾好既原因 另外大家都知就係軸承即係啤呤 金屬走珠軸承係目前轉得最耐既 所以你可以買水龍就已經可以做到1分鐘以上空轉無問題 其他同軸承有關既因素可以控制空轉 包括比較多人知既洗軸（洗啤呤） 係用白電油洗 可以洗走多餘既油同鏽令空轉加長 但係洗完個搖搖會收唔番要用binding收搖搖 處理得唔好個軸承生鏽就玩完 所以30招未玩好又未學binding就唔建議洗軸 其他有關軸承既問題 包括有一d特製既軸承中間有條坑 比如係弧形坑既konkave （kk）軸承 陶瓷軸孤同水銀鍍金軸承等等 依d軸承價錢下下都過百 而軸承製作質素越好亦理論上對空轉有幫助 最後總結就係新手冇必要追求搖搖本身點點點 應該多花時間練習 因為搖搖再靚都好 冇足夠技考駛出黎都係隻隻差唔多 靚搖搖靚啤呤會令高手錦上添花 但係新手黎講就只係會造成錯覺 其實就算係做得再好既搖搖比左個新手 最多都係雙倍佢普通搖搖既空轉時間 比如佢平時做到10秒 一個好既搖搖比佢做到20秒 一個完左30招既人普通搖搖做到1分鐘 一個好既搖搖幫到佢做2分鐘以上 一個高手普通搖搖做到5分鐘 咁佢就有機會玩個靚搖搖做到10分鐘 搖搖唔係自動 唔係入粒電就會自己轉到所謂咁多分鐘 依個就係新手同高手玩同一個搖搖 空轉時間都會有唔同既原因 所以唔好太花時間揀搖搖 水龍係非常好既搖搖夠玩到30級以上 揀搖搖唔可以單純睇空轉 而係要睇佢整體既結構 做得好唔好平衡感重量分佈手感同穩定性係點 新手最初亦比較啱玩膠身既搖搖 全金屬既對手指負擔大亦唔易做到好既空轉 另外要睇就係形狀同回收系統係唔係配合到玩法 比如玩屈繩要用蝶形（水龍一類） 玩雷霆萬鈞要用扁型（龍球/火龍一類） 最後就係預算問題 基本上港版火水龍球 都係低價但係高質既金屬走珠啤呤選擇 如果要再平D可以買大陸奧迪火力少年王 但係總體黎講港版火水龍球都夠晒大部份新手既要求 有關搖搖花式短片 可以去香港搖搖技術會（www.hkyyfc.org.hk）免費入會 有隻30招花式短片比你 另外網上here we yo既30招短片做得相當好 可以參考下 http://www.youtube.com/view_play_list?p=A16A72B658CA9052 如果你玩完30招想再學上去 可以睇依度 http://yoyoexpert.com/learn/ 雖然係英文既 但佢一步步咁拆解非常簡單易明 本人強烈推薦
其他解答:
留言列表
